KR tók á móti Víkingum á Meistaravöllum í efstu deild karla í gær.. Kjartan Henry Finnbogason kom KR yfir strax á 9. mínútu með skalla eftir frábæran bolta frá Kennie Chopart.
Atli Barkarson jafnaði metin stuttu síðar með frábæru skoti. Víkingar sóttu stíft það sem eftir lifði leiks og uppskáru á 87. mínútu er Helgi Guðjónsson kom knettinum í netið.
Ótrúleg dramatík var undir lok leiks en KR fékk vítaspyrnu og þá varð allt brjálað og Kjartan Henry Finnbogason sá rautt. Pálmi Rafn tók spyrnuna en lét Ingvar Jónsson verja frá sér og mikil fagnaðarlæti brutust út hjá Víkingum.
Kjartan virðist á myndbandi kýla Þórð Ingason varamarkvörð Víkings og var vikið af velli. „Þarf samt ekki að ræða hvað þetta er léleg hnefasamloka? Doddi étur hana auðveldlega þótt hann sé ekki í jafnvægi,“ skrifar sparksekingurinn Hrafnkel Freyr Ágústsson málið. Deilur Kjartans við Víkinga má sjá hér að neðan.
Víkingur fer því á topp deildarinnar og vinni þeir næsta leik þá eru þeir Íslandsmeistarar.
Kjartan Henrý Finnbogason ladies & gents. #fotboltinet pic.twitter.com/K9222BCezQ
— Kris Jensson (@KristferK) September 19, 2021