Grótta burstaði Aftureldingu í Lengjudeild karla í kvöld. Leikið var á heimavelli fyrrnefnda liðsins.

Staðan í hálfleik var 6-0. Pétur Theódór skoraði fjögur marka Gróttu í fyrri hálfleiknum. Kristófer Melsted og Kjartan Kári Halldórsson gerðu hin.

Í seinni hálfleik bættu Gabríel Hrannar Eyjólfsson og Kjartan Kári svo tveimur mörkum við fyrir heimamenn. Lokatölur 8-0.

Leikurinn skipti litlu máli hvað varðar útkomu deildarinnar.

Grótta er í fimmta sæti með 35 stig. Afturelding er í níunda sæti með 23 stig, þó ekki í neinni fallhættu fyrir lokaumferðina.