Það var rætt í útvarpsþættinum Fótbolti.net í dag að FH hefði áhuga á því að fá Arnar Gunnlaugsson, þjálfara Víkings, til að taka við liðinu eftir yfirstandandi tímabil. Þá var Nikolaj Hansen, framherji Víkinga, einnig orðaður við FH í þættinum.
Arnar hefur verið aðalþjálfari Víkinga frá árinu 2018. Hann hefur gert flotta hluti með liðið. Undir hans stjórn varð Víkingur bikarmeistari haustið 2019 og er nú í harðri baráttu um Íslandsmeistaratitilinn.
Það gæti reynst dýrt fyrir FH að sækja Arnar þar sem samningur hans í Víkinni er óuppsegjanlegur. Sá gildir út leiktíðina 2023.
Ólafur Jóhannesson þjálfari FH í dag en samningur hans gildir aðeins út leiktíðina. Ekki er víst hvort hann vilji vera áfram.
Nikolaj Hansen hefur verið frábær með Víkingum í ár. Hann hefur skorað 13 mörk í fjórtán leikjum í Pepsi Max-deildinni.
Samningur hans gildir einnig út leiktíðina 2023. FH þyrfti því að reiða fram dágóða upphæð til þess að sækja hann.
