Íslandsmeistarar í Val eru úr leik í forkeppni Sambandsdeildarinnar eftir 3-0 tap gegn Bodö/Glimt á útivelli. Íslenski landsliðsmaðurinn Alfons Sampsted lék allan leikinn fyrir Bodö/Glimt sem vann einvígið 6-0 samanlagt, en sömu úrslit áttu sér stað á Hlíðarenda fyrir viku síðan.
Ulrik Saltnes, Brede Moe og Elias Hagen gerðu mörkin fyrir norsku meistarana sem eru komnir áfram í 3. umferð forkeppninnar.
Tvö íslensk lið eiga leiki seinna í dag í Sambandsdeildinni en FH mætir Rosenborg í Noregi og Breiðablik mætir Austria Vín í Kópavogi.