Harry Wilson hefur verið seldur frá Liverpool til Fulham í ensku B-deildinni. Hann gerir fjögurra ára samning við síðarnefnda liðið. Kaupverðið er 12 milljónir punda.
Þessi 24 ára gamli velski landsliðsmaður kom upp í gegnum unglingastarfið hjá Liverpool. Hann hefur verið úti á láni síðustu tímabil. Síðast hjá Cardiff City.
Auk þess að selja Wilson fyrir 12 milljónir punda mun Liverpool fá 15% af næstu sölu Wilson, frá Fulham.
Fulham féll úr ensku úrvalsdeildinni í vor. Stjóri liðsins er Marco Silva. Hann tók við af Scott Parker sem hætti með liðið eftir síðustu leiktíð.
