Adam Johnson og fyrrverandi kærasta hans, Stacey Flounders, hafa tekið aftur saman og eiga nú von á sínu öðru barni.
Hinn 34 ára gamli Johnson fór í fangelsi árið 2016 fyrir kynferðislegt athæfi með 15 ára gamalli stelpu. Á þeim tíma var Johnson leikmaður Sunderland í ensku úrvalsdeildinni. Hann var rekinn frá félaginu eftir atvikið. Johnson sat af sér þrjú ár af sex ára fangelsisdómi.
Hann og Flounders hættu saman í kjölfarið en eru nú sögð hafa tekið saman aftur á meðan útgöngubann ríkti í Bretlandi. Þá eyddu þau miklum tíma saman með dóttur sinni.
Flounders ætlaði á sínum tíma að standa við bakið á Johnson eftir að hann var kærður fyrir kynferðislega athæfið með stúlkunni ungu. Hún komst hins vegar síðar að því að atvikið hafði átt sér stað aðeins þremur vikum eftir að hún eignaðist þeirra fyrsta barn. Í kjölfarið sleit hún sambandinu og talaði illa um Johnson á opinberum vettvangi.
Flounders virðist hins vegar hafa fyrirgefið honum nú. Hún á von á þeirra öðru barni á næstu vikum. Samkvæmt vinkonu hennar telur Flounders Johnson vera frábæran faðir.