Fyrrum atvinnumaðurinn Paul Peschisolido hefur rifjað upp skemmtilega sögu af fyrrum knattspyrnustjóra sínum, Neil Warnock, er þeir störfuðu saman hjá Sheffield United.
Warnock var við stjórnvölinn hjá Sheffield United frá árinu 1999 til 2007. Peschisolido var hjá félaginu á árunum 2001 til 2004.
Peschisolido sagði frá því er leikmenn liðsins fóru eitt sinn í keilu með Warnock. Sá síðarnefndi hafði leikmenn sína þá að fíflum.
,,Hann sannfærði okkur um að setja 10 pund undir, svo myndi sigurvegarinn hirða allan peninginn. Við samþykktum. Þá dró hann fram keiluskóna sína og sérhannaða keilukúlu. Svo tók hirti hann allan peninginn okkar,“ sagði Peschisolido.
Warnock stýrir í dag Middlesbrough í ensku B-deildinni. Peschisolido starfaði sjálfur við þjálfun eftir sinn feril. Hann var stjóri Burton Albion frá 2009 til 2012.
