Manchester Evening News tók saman lista yfir 50 bestu leikmenn Manchester United frá upphafi. Listinn er nokkuð umdeildur og hefur mikið verið ræddur á samfélagsmiðlum.
Ryan Giggs var valinn besti leikmaður liðsins frá upphafi en hann er algjör goðsögn hjá félaginu. Hann hefur þó verið að koma sér í alls konar vandræði utan vallar. Giggs var hluti af ´92 árgangnum fræga hjá United en þar voru einnig Gary Neville (nr. 13), David Beckham (nr. 18) og Paul Scholes sem voru allir á topp 50 listanum.
David de Gea er eini núverandi leikmaður Manchester United á listanum en hann er í 14. sæti. Hér að neðan má sjá topp 10 listann.
1. Ryan Giggs (1987-2014)
2. George Best (1963-1974)
3. Bobby Charlton (1956-1973)
4. Denis Law (1962-1973)
5. Paul Scholes (1993-2011, 2012-2013)
6. Duncan Edwards (1953-58)
7. Eric Cantona (1992-1997)
8. Wayne Rooney (2004-2017)
9. Cristiano Ronaldo (2003-2009)
10. Roy Keane (1993-2005)
