Gareth Soutgate, landsliðsþjálfari Englendinga, vill ekki að leikmenn Englands spili fallegan fótbolta. Honum finnst ekkert að því að þeir sparki langt fram á Harry Kane í stað þess að spila frá marki.
Þá viðurkenndi Southgate að Jordan Pickford og John Stones hafi rifist töluvert í fyrsta leik Englendinga á EM. John Stones, sem er leikmaður Manchester City og vanur því að spila frá marki, var ósáttur við Pickford sem er hrifinn af því að sparka langt fram.
„Þeir voru bara að ræða málin, við sýnum þeim myndir en það snýst allt um hvernig andstæðingurinn spilar. Þeir eiga að geta tekið ákvörðun eftir því,“ sagði Southgate á blaðamannafundi
„Við getum ekki unnið mikið í því hvernig á að spila frá marki eins og félagsliðin gera. Auk þess eru ein mistök miklu stærri hér því þetta eru svo fáir leikir.“
„Við þurfum ekki að spila fallegan fótbolta, það er líka áhrifaríkt að sparka fram.“
