Forráðamenn Inter hafa ítrekað það á nýjan leik að Christian Eriksen leikmaður félagsins og Danmerkur hafði ekki fengið bóluefni fyrir COVID-19.

Liðslæknir danska landsliðsins, Morten Boesen, hefur staðfest að Christian Eriksen hafi farið í hjartaáfall í leiknum. Eins og flestir, ef ekki allir, vita þá hneig Christian Eriksen niður í leik með danska landsliðinu gegn Finnlandi á Evrópumótinu á laugardag.

Hann andaði hvorki né var með púls um tíma og þurfti læknalið að beita hjartahnoði. Til allrar hamingju komst Eriksen þó aftur til meðvitundar og gat bæði talað og andað eftir að hafa verið fluttur á sjúkrahús.

Samæriskenningar hafa farið á flug um að Eriksen hafi fengið hjartaáfall vegna COVID bólusetningar. „Hann fékk ekki COVID og hefur ekki fengið bóluefni, þessa stundina er Eriksen undir eftirliti danska landsliðsins,“ sagði Giuseppe Marotta stjórnarformaður Inter.

„Það er rétt af okkur að gefa út þessa yfirlýsingu, læknalið okkar er í samskiptum við þá.“

„Leikmennirnir eru mjög nánir og við ræddum þetta allt okkar á milli, við vildum standa saman og við fáum allar upplýsingar um stöðu mála.“