Eins og kom fram fyrir stuttu þá varð slys á Wembley í Lundúnum í dag á leik Englands og Króatíu á Evrópumótinu. Áhorfandi slasaðist alvarlega er hann féll niður úr stúkunni. Vitni af atvikinu, sem einnig var áhorfandi af leiknum tjáði sig við Evening Standard um hans upplifun.

,,Við sáum fæturna hans fara yfir girðinguna og svo datt hann á jörðina og gat ekki hreyft sig,“ sagði áhorfandinn sem sá avikið.

,,Það virtist taka mjög langan tíma fyrir starfsmenn að komast að honum. Einn náungi sem var nálægt okkur sá allt og grét úr sér augun.“

Fyrr í dag tjáði talsmaður Wembley sig um slysið sem hafði orðið við Sky Sports. 

,,Það þurfti að hlúa að áhorfandanum á staðnum. Það var svo farið með hann á sjúkrahús í alvarlegu ástandi. Við munum halda áfram að vinna með UEFA til að passa að málið sé rannsakað að fullu. Við munum halda áfram að fylgjast með stöðunni.“