Leik Danmerkur og Finnlands á Evrópumótinu hefur verið frestað eftir að Christian Eriksen hneig til jarðar í dag.
Það var lítið um að vera þegar Eriksen féll til jarðar og fljótt kom í ljós að um eitthvað alvarlegt væri að ræða. Sjúkrastarfsmenn mættu á staðinn og beittu hjartahnoði.
Heimurinn biður fyrir því að í lagi verði með Eriksen.
Ekki er vitað hvað verður um leikinn nákvæmlega en ljóst er að hann fer ekki fram í dag.
Fleiri fréttir birtast um leið og nánari upplýsingar berast.
Uppfært: Eriksen hefur verið fluttur á sjúkrahús og er í stöðugu ástandi.
