Paul Pogba miðjumaður Manchester United segir fréttir um að Manchester United sé í viðræðum við hann um nýjan samning rangar. Fréttir um slíkt fóru í loftið í gær.
Samningur Pogba við United rennur út eftir eitt ár og ef United tekst ekki að ná samkomulagi við hann á næstu vikum, gæti félagið reynt að selja hann.
Viðræður við Mino Raiola geta hins vegar verið flóknar enda er hann þekktur fyrir hörku í öllum samningaviðræðum.
„Ég á eitt ár eftir af samningi, það vita allir. Það hefur ekki komið neitt formlegt boð um að framlengja samninginn, ég er í dag leikmaður Manchester United,“ sagði Pogba.
„Eftir tímabilið fór ég beint í sumarfrí, ég ræddi ekki við stjórann. Ég er einbeittur á EM.“
