Jose Mourinho, sem tekur við Roma í sumar, ætlar að bjarga Donny van de Beek frá Manchester United, fyrrum félagi Mourinho. Calciomercato greinir frá.

Van de Beek hefur átt virkilega erfitt tímabil í Manchester og fengið takmarkaðan spiltíma. Hann kom frá Ajax síðasta sumar á 40 milljónir punda. Ole Gunnar Solskjær hefur þó haldið því fram að Hollendingurinn sé í plönum hans.

Mourinho ku skoða það að nýta sér erfiða stöðu leikmannsins og sækja van de Beek til ítölsku höfuðborgarinnar. Stjórinn tók við Roma á dögunum eftir að hafa verið rekinn frá Tottenham.

Van de Beek er þá ekki eini leikmaðurinn sem Portúgalinn hefur áhuga á að fá til Roma. Juan Mata, liðsfélagi van de Beek hjá United, ásamt Eric Dier og Pierre-Emile Hojbjerg, hjá Tottenham eru einnig á óskalista Móra. Allir hafa þeir spilað undir hans stjórn.