Mikil mótmæli stuðningsmanna Manchester United fyrir utan heimavöll liðsins, Old Trafford í gær, urðu til þess að leik United og Liverpool í ensku úrvalsdeildinni var frestað.
Mikill fjöldi stuðningsmanna Manchester United safnaðist saman og ruddi sér leið inn á völlinn, braut og bramlaði, með fyrrgreindum afleiðingum. Ástæða mótmælanna var sú að stuðningsmennirnir vilja að Glazer-fjölskyldan, eigendur Manchester United, selji félagið.
Einn maður skar sig úr fjöldanum er mótmælin fjöruðu út og Nicole Deans birti mynd af honum á samfélagsmiðlinum Twitter í gær.
Á myndinni má sjá manninn týna upp rusl eftir mótmælendur og safna saman.
„Í heimi fullum af ringulreið, vertu þessi maður,“ skrifaði Nicole Deans með myndinni sem birtist á Twitter.
In a world full of chaos, be this man ❤ pic.twitter.com/WBgEOr8mXt
— Nicole Deans 🦋 (@MissNicoleDeans) May 2, 2021
