fbpx
Sunnudagur 30.nóvember 2025
433Sport

Óvissa með framtíð nokkurra leikmanna Arsenal í sumar – Þessir eru að berjast fyrir framtíð sinni hjá félaginu

Helgi Fannar Sigurðsson
Laugardaginn 1. maí 2021 18:00

Ekki missa af Helstu tíðindum dagsins í pósthólfið þitt

Lesa nánar

Nokkrir leikmenn gætu yfirgefið Arsenal í sumar eftir erfitt tímabil liðsins. The Sun hefur tekið saman lista yfir sjö leikmenn sem þeir telja vera að spila upp á framtíð sína þessa stundina.

William Saliba

Varnarmaðurinn ungi hefur staðið sig vel hjá Nice síðan hann kom þangað á láni í janúar. Vörn Arsenal hefur verið óstöðug en þrátt fyrir það fékk Saliba ekki tækifæri þar fyrir áramót. Hann gæti því farið í sumar.

Calum Chambers

Chambers hefur nokkuð óvænt unnið sér inn sæti í liði Arsenal í síðustu leikjum. Hann hafði verið lengi frá vegna krossbandsslita. Hann hefur spilað vel undanfarið og spurning hvort hann sé endanlega orðinn fyrsti kostur í stöðu hægri bakvarðar hjá Arsenal.

David Luiz

Luiz var flottur áður en hann meiddist í vetur og var meira að segja talað um að hann gæti fengið nýjan eins árs samning. Það gæti þó verið að Mikel Arteta stóli á yngri menn á næsta tímabili.

Alexandre Lacazette

Lacazette á aðeins eitt ár eftir af samningi sínum við Arsenal. Hann hefur verið góður undanfarið en félagið gæti freistast til þess að fá fína summu fyrir hann í sumar í stað þess að missa hann frítt árið 2022.

Eddie Nketiah

Nketiah fékk mörg tækifæri undir stjórn Arteta á síðustu leiktíð en þau hafa verið af skornum skammti á þeirri sem nú stendur yfir. Hann þarf að fá nokkra leiki í röð til að öðlast sjálfstraust og það er óvíst hvort hann fái þá hjá Arsenal.

Mohamed Elneny

Elneny hefur óvænt fengið töluvert af tækifærum á þessari leiktíð. Hann var á láni hjá Besiktas á þeirri síðustu. Hann virðist vera ánægður með að vera partur af stórum leikmannahóp og fá tækifæri af og til. Það gæti þó verið að Arsenal vilji gefa yngri leikmönnum þær mínútur sem hann tekur í dag.

Ainsley Maitland-Niles

Maitland-Niles er á láni hjá West Brom í dag og gæti hafa leikið sinn síðasta leik fyrir Arsenal nú þegar. Thomas Partey og Granit Xhaka eiga fast sæti á miðju Arsenal og er talið að Joe Willock, sem er á láni hjá Newcastle, fái sénsinn frekar en Maitland-Niles.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Í gær

Annað stórlið horfir til Rashford ef Barcelona kaupir hann ekki af United

Annað stórlið horfir til Rashford ef Barcelona kaupir hann ekki af United
433Sport
Í gær

Segir farir sínar ekki sléttar eftir fund með yfirmanninum – Kona hans og börn grétu eftir tíðindin

Segir farir sínar ekki sléttar eftir fund með yfirmanninum – Kona hans og börn grétu eftir tíðindin
433Sport
Í gær

Fyrrum framherji United með ráð fyrir Amorim áður en janúarglugginn opnar

Fyrrum framherji United með ráð fyrir Amorim áður en janúarglugginn opnar
433Sport
Í gær

Vestri fær landsliðsmann frá Senegal – Skoraði gegn Arsenal fyrir nokkrum árum

Vestri fær landsliðsmann frá Senegal – Skoraði gegn Arsenal fyrir nokkrum árum