Rhodri Giggs bróðir Ryan Giggs segir að Natasha Lever fyrrum eiginkona hans hafi haldið framhjá sér með tíu knattspyrnumönnum. Einn af þeim var að sjálfsögðu bróðir hans, Ryan Giggs.
Það vakti gríðarlega athygli þegar það kom upp árið 2011 að Ryan Giggs hefði um langt skeið verið að sofa hjá konur bróður síns. Ryan og Nathasa höfðu verið í feluleik í mörg ár, Ryan hafði meðal annars barnað hana en Natasha Lever fór í fóstureyðingu.
„Ég gæti nefnt tíu fræga knattspyrnumenn sem hún var með,“ sagði Rhodri í nýju viðtali um málið.
Natasha og Rhodri reyndu að bjarga sambandinu eftir framhjáhaldið en árið 2013 skildu leiðir, Rhodri gat ekki treyst henni á nýjan leik.
„Ryan átti skilið að vera frægur vegna ferils síns en hann eyðilagði arfleifð sína með því að gera það sem hann gerði,“ sagði Rhodri.
Rhodri hefði langað að keyra yfir Ryan hefði hann hitt á hann eftir að allt komst upp. „Ef ég hefði séð hann labba niður götuna þá hefði ég keyrt yfir hann,“ sagði Rhodri.
„Það tók fjögur eða fimm ár að jafna sig á þessu, ég tala um þetta til að pirra fólk. Ryan og Natasha höfðu átta ár til að átta sig á afleiðingunum,“ sagði Rhodri.
„Ég og Natasha eigum gott samband í dag, við getum ekki verið með leiðindi þegar við eigum krakka saman.“
