Íslenska karlalandsliðið vann í kvöld sinn fyrsta sigur í undankeppni HM. Sigurinn kom á móti Liechtenstein en leiknum lauk með 4 1 sigri Íslands. Birkir Már Sævarsson, kom Íslandi yfir með marki á 12. mínútu leiksins eftir stoðsendingu frá Herði Björgvini Magnússyni.
Það var síðan nafni hans, Birkir Bjarnason sem kom Íslandi í 2-0 með marki á 45. mínútu eftir laglegan undirbúning frá Aroni Einari og Arnóri Ingva. Það var síðan Guðlaugur Victor Pálsson sem skoraði þriðja mark Íslands í leiknum, hans fyrsta landsliðsmark kom á 77. mínútu.
Tveimur mínútum síðar minnkaði Yanik Frick, muninn fyrir Liechtenstein með marki beint úr hornspyrnu. Rúnar Már Sigurjónsson bætti svo við úr vítaspyrnu og 4-1 sigur Íslands staðreynd. Ísland er eftir leikinn í 5. sæti riðilsins með 3 stig eftir þrjá leiki.
Einkunnir úr leiknum eru hér að neðan.
Byrjunarliðið:
Rúnar Alex Rúnarsson 3
Hafði nákvæmlega ekkert að gera í leiknum en gerði hræðileg mistök í markinu.
Birkir Már Sævarsson – 7
Tók markið sitt vel og komst vel frá sínu.
Sverrir Ingi Ingason 5
Eins og fyrir aðra varnarmenn Íslands var dagurinn með rólegasta móti
Hjörtur Hermannsson 5
Hafði ekkert að gera en gerði sitt ágætlega.
Hörður Björgvin Magnússon 6
Frábær fyrirgjöf í fyrsta mark leiksins, alvöru kúla
Jóhann Berg Guðmundsson (´63) 5
Kom spilinu oft af stað en var ekki að komast í færi til þess að skora.
Birkir Bjarnason (´72) 7 (Maður leiksins)
Gott mark og almennt fínn leikur hjá BIrki sem byrjaði alla þrjá leikina í þessu verkefni
Guðlaugur Victor Pálsson 6
Rólegur dagur fyrir varnarsinnaðan tengilið en gott skallamark.
Aron Einar Gunnarsson (´46) 5
Tankurinn tómur eftir mikla keyrslu í leikjunum tveimur á undan, komst fínt frá sínu.
Arnór Ingvi Traustason 5
Lagði upp fyrir Birki en var þess utan lítið að skapa.
Sveinn Aron Guðjohnsen (´63) 5
Gerði ekkert rangt en kom sér heldur ekki í mörg færi til að skora gegn slökum andstæðingum.
Varamenn:
Rúnar Már Sigurjónsson (´46) 6
Fín innkoma, fiskaði víti og skoraði af öryggi.
Hólmbert Aron Friðjónsson (´63) 5
Komst lítið í boltann
Arnór Sigurðsson (´63) 5
Ógnaði lítið eftir innkomu sína.