IFK Norrköping í Svíþjóð hefur staðfst kaup sín á Jóhannesi Bjarnasyni frá KR. Sænska félagið þurfti að bíða eftir því að Jóhannes yrði 16 ára gamall.
Norrköping staðfesti á dögunum að faðir Jóhannesar, Bjarni Guðjónsson hafi verið ráðinn til starfa sem þjálfari U19 ára liðs félagsins.
Norrköping þurfti að bíða í nokkra daga til að kaupa Jóhannes en hann fagnaði 16 ára afmæli sínu í síðustu viku.
„Ég er mjög glaður að með að semja við félagið, margir íslenskir leikmenn hafa náð árangri hérna og ég mun leggja mikið á mig til að gera slítk hið sama. Ég er spenntur fyrir því að byrja,“ sagði Jóhannes.
Jóhannes er fæddur árið 2005 og fékk tækifæri með KR á síðustu leiktíð þegar hann spilaði tvo leiki. Hann var til reynslu hjá Norrköping í vetur. Bjarni hefur verið aðstoðarþjálfari KR frá árinu 2017 með Rúnari Kristinssyni en áður var hann þjálfari liðsins.
Norrköping keypti fyrr í vetur Finn Tómas Pálmason frá KR en fyrir eru Ísak Bergmann Jóhannesson og Oliver Stefánsson hjá félaginu.
Jóhannes og Ísak Bergmann eru frændur en Bjarni faðir Jóhannesar er bróðir Jóhannesar Karls Guðjónssonar sem er faðir Ísaks.
