Pepe einn harðasti og ruglaðasti knattspyrnumaður sem komið hefur upp segist vera ljúfur sem lamb utan vallar, Pepe átti frábær tíu ár með Real Madrid.
Hann leikur í dag með Porto en hann ólst upp í Brasilíu en lék alla tíð fyrir landslið Portúgals.
Pepe er 38 ára gamall í dag en hann hefur verið kallaður öllum illum nöfnum fyrir framkomu sína innan vallar.
„Fólk kallar mig rasshaus en ég svaf upp í hjá mömmu til 17 ára aldurs,“ sagði Pepe þegar hann var spurður um þann stimpil sem hefur verið á honum síðustu ár.
„Þangað til ég kom til Portúgals þá svaf ég bara hjá mömmu, þið getið ímyndað ykkur hvernig ég. Ég ræddi við mömmu um daginn, hún sagði mér að ég hefði alltaf viljað sofa alveg upp við hana og halda í hárið á henni. Ég sagði henni að ég hefði vitað að ég yrði lengi frá henni eftir þetta.“
„Ég gat aldrei ímyndað mér að ég myndi vinna Meistaradeildina þrisvar þegar ég var enn sofandi upp í rúmi hjá mömmu.“
