Tveimur leikjum er nýlokið í riðlakeppni Meistaradeildar Evrópu. A-riðill kláraðist í kvöld.
PSG 4-1 Club Brugge
Paris Saint-Germain tók á móti Club Brugge og vann öruggan sigur.
Kylian Mbappe kom PSG 2-0 yfir með mörkum á fyrstu 7 mínútum leiksins. Staðan þegar orðin erfið fyrir gestina.
Lionel Messi bætti við þriðja markinu á 38. mínútu með frábæru skoti eftir glæsilegan undirbúning Mbappe.
Mats Rits minnkaði muninn fyrir Club Brugge á 68. mínútu. Messi innsiglaði svo 4-1 sigur heimamanna með marki af vítapunktinum á 76. mínútu.
RB Leipzig 2-1 Man City
RB Leipzig fer í Evrópudeildina eftir áramót með flottum heimasigri gegn Manchester City.
Dominik Szoboszlai kom heimamönnum yfir um miðbik fyrri hálfleiks. Það reyndist eina markið fyrir leikhlé.
Andre Silva tvöfaldaði forystu Leipzig þegar tæpar 20 mínútur lifðu leiks. Skömmu síðar minnkaði Riyad Mahrez muninn fyrir Man City. Nær komust gestirnir þó ekki.
1. Man City – 12 stig (Áfram í 16-liða úrslit)
2. PSG – 11 stig (Áfram í 16-liða úrslit)
3. RB Leipzig – 7 stig (Fara í Evrópudeildina)
4. Club Brugge – 4 stig
