,,Ég get ekki sagt að ég sé ánægður, þvert á móti er ég leiður,“ sagði Lewandowski um það að hafa misst af verðlaununum. ,,Ég virði hvernig Messi spilar og það sem hann hefur afrekað. Að ég sé að keppa við hann sýnir hvar ég er.“
Þegar Messi fór upp á svið til að taka við verlaununum nú á dögunum hvatti hann France Football til að veita Lewandowski verðlaunin fyrir síðasta ár. ,,Mig langar að þakka Robert Lewandowski. Það hefur verið heiður að keppa við þig. Það eru allir sammála um að þú varst sigurvegari síðasta árs. Mér finnst að France Football ætti að veita þér Ballon d’Or 2020. Þú átt það skilið.“
Lewandowski fór í viðtal í pólskum fjölmiðlum. Þar sagðist hann ekki bjartsýnn á að fá verðlaunin fyrir árið 2020. ,,Ég vona að það sem Messi sagði hafi verið einlæg yfirlýsing frá frábærum leikmanni, ekki bara innantóm orð.“
Þessi orð vöktu athygli. Lewandowski sagði þau þó hafa verið tekin úr samhengi. ,,Yfirlýsing mín í pólsku sjónvarpi var tekin úr samhengi. Ég ætlaði aldrei að ýja að því að orð Messi hafi ekki verið einlæg eða heiðarleg. Þvert á móti glöddu orð hans mig mikið. Það sem ég meinti var að ég vona að orð Messi hryndi einhverju í framkvæmd. Ég virði Messi svo mikið og mig langar að óska honum aftur til hamingju með Ballon d’Or 2021.“