Dani Alves, varnarmaður Barcelona, hefði viljað að Christian Eriksen, leikmaður danska landsliðsins sem hneig niður í leik með liðinu á Evrópumótinu í Englandi síðasta sumar, myndi fá gullknöttinn sem afhentur var í gær við hátíðlega athöfn.

Lionel Messi, leikmaður Paris Saint-Germain og argentínska landsliðsins bar sigur úr býtum í karlaflokki og í kvennaflokki var það Alexia Putellas, leikmaður Barcelona hreppti hnossið.

Í viðtali hjá Sky Sports á Ítalíu á dögunum var Alves spurður að því hvern hann myndi vilja sjá vinna gullknöttinn eftirsótta.

,,Eriksen verðskuldar hann í ár sökum þess hvað hann hefur gengið í gegnum. Það yrðu sterk skilaboð fyrir knattspyrnuheiminn ef hann myndi hljóta hann. Messi er besti knattspyrnumaðurinn og hefur verið það í tuttugu ár en það væri frábært fyrir alla ef Eriksen myndi vinna,“ sagði Dani Alves í viðtali við Sky Sports á Ítalíu á dögunum.