Þrír Íslendingar komu við sögu í lokaumferð sænsku B-deildarinnar í dag.
Alex Freyr Hauksson lék allan leikinn með Öster í 2-1 sigri gegn Akropolis.
Öster lýkur tímabilinu í fimmta sæti með 46 stig.
Böðvar Böðvarsson lék sömuleiðis allan leikinn með Helsingborg í 2-2 jafntefli gegn Vasteras.
Jafnteflið dugir Helsingborg til að fara í umspil um sæti í efstu deild. Liðið hafnar í þriðja sæti með 48 stig.
Bjarni Mark Antonsson lék þá allan leikinn með Brage í 1-2 sigri gegn Falkenberg.
Brage hafnar í tíunda sæti með 39 stig, 4 stigum frá fallsæti.