Brasilíumaðurinn Hulk hefur hafnað tilboðum frá fimm stærstu deildum Evrópu á ferlinum fyrir stærri seðil annars staðar. Hann er búinn að safna upp ansi vænlegum fjárhæðum.
Hinn 35 ára gamli Hulk er enn að spila fótbolta. Nú leikur hann með Atletico Mineiro í heimalandinu. Hann hefur skorað 30 mörk í 63 leikjum fyrir félagið.
Hulk fór upprunalega frá Suður-Ameríku til Japan árið 2005. Í Japan lék hann með Kawasaki Frontale, Consadole Sapporo og Tokyo Verdy.
Eftir það fór hann til Porto í Portúgal. Þar vann hann fjóra deildarmeistaratitla og Evrópudeildina á fimm tímabilum. Hulk skoraði 77 mörk fyrir félagið.
Eftir tímann í Portó var komið að því að stækka budduna hressilega. Brasilíumaðurinn eyddi fjórum tímabilum hjá Zenit í Rússlandi. Eftir þar fór hann til Shanghai SIPG í Kína. Þar var framherjinn í fimm ár.
Hjá Zenit fékk hann því sem nemur rúmlega milljarði íslenskra króna á ári. Í Kína fékk Hulk svo yfir 55 milljónir íslenskra króna í hverri viku.
Daily Star vakti athygli á því að með fjármunum sem hann safnaði í Kína gæti Hulk keypt einkaþotu Floyd Mayweather. Þotan er metin á um 8,6 milljarða íslenskra króna.
