Þremur leikjum er nýlokið í ensku úrvalsdeildinni.
Liverpool 4-0 Southampton
Southampton heimsótti Liverpool og átti aldrei möguleika í heimamenn.
Diogo Jota kom Liverpool yfir strax á 2. mínútu með marki af stuttu færi eftir fyrirgjöf Andy Robertson.
Sadio Mane kom boltanum aftur í netið fyrir Liverpool tíu mínútum síðar. Mark hans var hins vegar dæmt af vegna rangstöðu með aðstoð myndbandsdómgæslu.
Jota skoraði annað mark á 32. mínútu. Eftir góða sókn Liverpool skoraði hann, aftur af stuttu færi. Nú var það Mohamed Salah sem átti stoðsendinguna.
Thiago Alcantara átti eftir að bæta við marki í fyrri hálfleik. Það kom á 37. mínútu. Hann átti skot að marki sem fór í varnarmann Southampton og inn. Staðan í hálfleik var 3-0.
Virgil van Dijk bætti við fjórða marki Liverpool á 52. mínútu. Hann skoraði eftir hornspyrnu Trent Alexander-Arnold.
Fleiri urðu mörkin ekki. Yfirburðir Liverpool voru algjörir.
Liverpool er í öðru sæti deildarinnar með 28 stig, stigi á eftir Chelsea sem á þó leik til góða.
Crystal Palace 1-2 Aston Villa
Aston Villa vann Crystal Palace. Leikið var í Lundúnum.
Leikurinn var jafn til að byrja með en á 15. mínútu kom Matt Targett Villa yfir. Í kjölfarið tóku lærisveinar Steven Gerrard yfir leikinn.
John McGinn bætti við marki á 86. mínútu. Marc Guehi minnkaði muninn fyrir Palace seint í uppbótartíma. Nær komust heimamenn þó ekki. Lokatölur 1-2.
Liðin eru í 10. og 11. sæti deildarinnar, bæði með 16 stig.
Norwich 0-0 Wolves
Norwich og Wolves gerðu markalaust jafntefli í rólegum leik á Carrow Road.
Wolves er í sjötta sæti deildarinnar með 20 stig. Norwich er í nítjánda sæti með 9 stig.
