Arnar Þór Viðarsson mun ráða för þegar kemur að leit að nýjum aðstoðarþjálfara landsliðsins. Þetta kemur fram í yfirlýsingu Vöndu í dag.

„Nú tekur við vinna við leit að nýjum aðstoðarþjálfara þar sem þjálfari liðsins, Arnar Þór Viðarsson, mun að sjálfsögðu ráða ferðinni. Vonandi gengur sú leit hratt og örugglega fyrir sig og við finnum réttan aðila í starfið við hlið Arnars til að leiða áframhaldandi uppbyggingu á þessu unga og spennandi landsliði,“ segir Vanda í yfirlýsingu.

Vanda sendi frá sér yfirlýsingu í dag vegna málefna Eiðs Smára Guðjohnsen en hann og KSÍ sömdu um starfslok á þriðjudag.

KSÍ notar þar uppsagnarákvæði sem tekur gildi 1 desember. Slíkt ákvæði er í samningi Arnars en nú er ljóst að hann verður áfram við stýrið.

Arnar og Eiður tók við A-landsliði karla fyrir rúmu ári síðan en mikið hefur gengið innan raða KSÍ frá ráðningu þeirra.