Einar Örn Jónsson, íþróttafréttamaður á RÚV, gagnrýnir Vöndu Sigurgeirsdóttur, formann KSÍ, harðlega eftir að Ryotaro Suzuki, sendiherra Japan, birti mynd af sér með formanninum í dag.

Suzuki var í heimsókn hjá KSÍ í dag. Japanska kvennalandsliðið mætir því íslenska á morgun. ,,Ég heimsótti KSÍ, hitti Vöndu Sigurgeirsdóttur, formann sambandsins. Japanska kvennalandsliðið mætir því íslenska í vináttukeik í Hollandi á morgun. Vonandi verður það góður leikur,“ skrifaði Suzuki á Twitter.

Visited KSÍ, the Football Association of Iceland. Met with Vanda Sigurgeirsdóttir, the Chair of the association.
Japan’s women’s team will be playing against Iceland tommorow, in a friendly match in Netherland.
Hope to see a good game there !! pic.twitter.com/S1YAw7olVY

— SUZUKI Ryotaro 鈴木亮太郎 (@SUZUKIRyotaro1) November 24, 2021

Vanda hefur verið á allra vörum í dag í kjölfar þess að fréttir bárust af því að KSÍ hafði komist að samkomulagi um starfslok Eiðs Smára Gujohnsen sem aðstoðarlandsliðsþjálfara karla í gærkvöldi.

Vanda hefur ekki svarað fyrir málefni Eiðs Smára það sem af er degi. DV hefur frá því á mánudag reynt að fá Vöndu til að ræða málið enda var byrjað að kvisast út að sambandið ætlaði að nýta sér uppsagnarákvæði í samningi Eiðs Smára.

,,Vanda var í vinnunni í dag en vildi bara ekki útskýra risastóra ákvörðun stjórnar KSÍ fyrir fjölmiðlum (og þar með fólkinu í landinu). Gerði það sama fyrir ársþingið, neitaði að tala við fjölmiðla. Þetta er ekki einkafyrirtæki heldur opinbert batterí, stærsta sérsambandið,“ skrifaði Einar Örn harðorður á Twitter.

Hmmmm… Vanda var í vinnunni í dag en vildi bara ekki útskýra risastóra ákvörðun stjórnar KSÍ fyrir fjölmiðlum (og þar með fólkinu í landinu). Gerði sama fyrir ársþingið, neitaði að tala við fjölmiðla. Þetta er ekki einkafyrirtæki heldur opinbert batterí, stærsta sérsambandið. https://t.co/rIMp0uylvM

— Einar Örn Jónsson (@RanieNro) November 24, 2021