Manchester United mun ræða við þá Ralf Rangnick, Lucien Favre, Ernesto Valverde, Rudi Garcia og Paulo Fonseca um að taka tímabundið við félaginu.
Ole Gunnar Solskjær var rekinn úr starfi á sunnudag og er talið að United muni finna mann til að stýra liðinu út tímabilið.
Forráðamenn félagsins hafa reynt að fá Mauricio Pochettino lausan en PSG vill halda honum fram á sumar. Talið er líklegast að hann taki við til framtíðar.
Michael Carrick stýrir liðinu þessa stundina en félagið ætlar að finna mann í starfið á næstunni.
Allir fimm þjálfararnir sem United ætlar að skoða eru án starfs og geta því hoppað fljótt til. Þá vill Steve Bruce fá starfið og hefur látið vita af því.
