Manchester United þarf að borga 8,4 milljónir punda til að fá Mauricio Pochettino lausan frá PSG. Um er að ræða tæpan 1,5 milljarð sem þarf til að losa hann úr starfi.

Fram kemur í fréttum í dag að leikmenn PSG búist við því að Pochettino hætti á næstu dögum til að taka við United.

PSG hefur hafið samtalið við Zinedine Zidane um hvort hann hafi áhuga að snúa til heimalandsins og taka við franska stórliðinu. AS á Spáni segir frá.
Pochettinho þjálfari PSG er klár í að taka við Manchester United og er í raun sagður mjög spenntur fyrir því. The Times segir frá þessu.

Zidane vill ekki taka við United en eiginkona hans vill búa á Spáni eða í Frakklandi. Pochettinho verður í Manchester síðar í dag þegar PSG kemur til borgarinnar, liðið á leik við Manchester City á morgun.

Stjóranum frá Argentínu líður ekki vel í París en fjölskylda hans er búsett í Englandi eftir dvöl hans þar í landi.

Enski boltinn á 433 er í boði