Manchester United hefur staðfest að búið sé að reka Ole Gunnar Solskjær úr starfi knattspyrnustjóra. Ákveðið var að reka Solskjær eftir slæmt tap í gær.
Michael Carrick mun stýra liðinu á meðan félagið leitar að framtíðar stjóra.
Ensk götublöð segja að bæði leikmenn og starfsmenn hafi fellt tár í gær eftir 1-4 tap gegn Watford á útivelli. Voru flestir meðvitaðir um að Solskjær myndi ekki lifa slíkt tap af í starfi.
Gengi liðsins hefur verið hræðilegt undanfarnar vikur en Solskjær hefur verið stjóri United í þrjú ár.
