Manchester United heimsækir Watford í ensku úrvalsdeildinni á morgun. Stjarna liðsins, Cristiano Ronaldo, hefur sent stuðningsmönnum Man Utd jákvæð skilaboð fyrir leikinn.
Lítið hefur gengið hjá Man Utd síðustu vikur. Liðið hefur til að mynda aðeins unnið þrjá af síðustu tíu leikjum í öllum keppnum. Rauðu djöflarnir sitja í sjötta sæti ensku úrvalsdeildarinnar með 17 stig eftir ellefu leiki.
,,Það er kominn tími til að bretta upp ermar á ný og klára þetta verkefni! Við skulum reyna að ná markmiðunum sem við höfum sett okkur,“ skrifaði Ronaldo, sem er nýsnúinn aftur úr landsliðsverkefni með Portúgal, á Twitter.
Time to role up the sleeves once again and just get the job done! Let’s chase what we are trying to achieve this season! 💪🏽 #MUFC pic.twitter.com/vgE4lYv8tv
— Cristiano Ronaldo (@Cristiano) November 19, 2021
Ole Gunnar Solskjær, stjóri Manchester United, boðaði sex leikmenn félagsins á neyðarfund í gær til að ræða stöðu liðsins. Þetta kemur fram í enskum blöðum.
Solskjær reynir allt til þess að bjarga starfinu sínu en tapi hann gegn Watford á morgun er nokkuð ljóst að hann verður á tæpasta vaði í starfi.
Solskjær fundaði með Harry Maguire, Cristiano Ronaldo, Bruno Fernandes, Luke Shaw, Victor Lindelof og Nemanja Matic á æfingasvæði félagsins í gær.
