Bruno Fernandes og Jesse Lingard voru í YouTube þættinum Wingmen sem Andy Robertson og Trent Alexander Arnold byrjuðu með á sínum tíma. Í þættinum ræddu þeir allt milli himins og jarðar og meðal annars um matarvenjur Bruno fyrir leiki.
„Daginn fyrir leiki þá þarf ég alltaf að borða eitthvað á hótelherberginu mínu. Við borðum kvöldmat og svo eftir mat um 23 eða 23:30 þá fæ ég mér cappuccino.“
Jesse virtist brugðið við þessar venjur hjá Bruno og spurði hvort hann væri í alvörunni að fá sér kaffi rétt fyrir miðnætti.
„Já, ég drekk kaffibollann og fer beint í rúmið og sef vel. Ef ég drekk kaffibollann og bíð þá er ég í vandamálum. Ég get ekki sofnað án þess.“
Manchester United tekur á móti Liverpool í ensku úrvalsdeildinni á morgun í leik sem stuðningsmenn liðanna bíða spenntir eftir.
