Arsenal vann góðan heimasigur á Aston Villa í fyrsta leik helgarinnar í ensku úrvalsdeildinni í kvöld.
Arsenal var miklu betri aðilinn í fyrri hálfleik. Thomas Partey kom þeim yfir á 23. mínútu með marki eftir hornspyrnu.
Heimamenn fengu vítaspyrnu í uppbótartíma fyrri hálfleik. Þá var brotið á Alexandre Lacazette. Leikmenn Villa kvörtuðu mikið yfir dómnum.
Pierre Emerick Aubameyang fór á punktinn, Emi Martinez í marki Villa varði frá honum en Gabonmaðurinn fylgdi hins vegar eftir og skoraði.
Emile Smith-Rowe kom Arsenal í 3-0 á 56. mínútu með marki eftir skyndisókn.
Jakob Ramsey minnkaði muninn fyrir Villa á 82. mínútu með frábæru skoti utan teigs. Nær komust gestirnir þó ekki. Lokatölur 3-1.
Arsenal er í níunda sæti deildarinnar með 14 stig eftir níu leiki. Villa er í þrettánda sæti með 10 stig eftir jafnmarga leiki.
