Hinn heimsfrægi knattspyrnumaður Hulk sem leikur í dag með Atletico Mineiro er að verða faðir á nýjan leik. Það sem vekur athygli málinu er að konan sem ber barn hans undir belti er frænka fyrrum eiginkonu Hulk.

Iran Angelo fyrrum eiginkona Givanildo Vieira de Sousa, betur þekktur sem Hulk, er ekki ánægð með frænku sína sem stakk undan henni og byrjaði með fyrrum eiginmanni sínum.

Iran og Hulk skildu árið 2019 en fimm mánuðum síðar sást fyrst til Hulk með Camila Angelo sem er frænka Iran. Þau giftu sig nokkrum mánuðum eftir skilnað Iran og Hulk.

„Lygar og óheiðarleiki eru eins og hnífar. Þau skera hold okkar, láta okkur blæða út, þorna upp og svo deyr eitthvað inni í okkur,“ sagði Iran Angelo sem blöskrar framganga Hulk og frænkunnar.

„Fyrir okkur sem göngum á guðs vegum, þá er dauðinn hluti af því að endurfæðast. Ég er endurfædd, ég fæ styrk í trúnni sem kemur fram í hvert skipti sem þau eru óheiðarleg.“