Wanda Nara birti mynd með börnum sínum og skrifaði texta um að dagurinn í dag væri gleðidagur skömmu eftir að hafa sakað Mauro Icardi, eiginmann sinn og leikmann Paris Saint-Germain, um framhjáhald.
Nara er ansi umdeild og tekur fyrirsagnirnar reglulega. Hún fór til að mynda frá Maxi Lopez, sem á þeim tíma var liðsfélagi Icardi, til þess að vera með þeim síðarnefnda. Nara sakaði Lopez einnig um framhjáhald.
,,Aftur skemmirðu fjölskyldu fyrir kynlíf,“ skrifaði Nara á Instagram um Icardi. Samkvæmt breska götublaðinu The Sun hefur parið nú þegar slitið sambandinu.
Fjölskyldumynd sem hún birti fyrr í dag á Instagram, þar sem Icardi er hvergi sjáanlegur, rennir svo stoðum undir það að hún sé farin frá honum.
,,Gleðidagur fyrir mig. Takk fyrir að gera mig að stoltustu mömmu í heimi. Þið eruð líf mitt,“ skrifaði Nara með myndinni.
Sjá einnig: Hin umdeilda Wanda Nara sögð hafa sparkað eiginmanninum – ,,Aftur skemmirðu fjölskyldu fyrir kynlíf
