Fótboltasálfræðingurinn Geir Jordet, birtir áhugaverðan þráð á samfélagsmiðlinum Twitter um mikilvægi leikskilnings og skönnunar knattspyrnumanna. Geir segir það einkenna bestu leikmenn í heimi að þeir eru vel meðvitaðir um stöðu sína og aðstæður á vellinum á meðan leik stendur.
Geir Jordet hefur skoðað þennan eiginleika knattspyrnumanna frá áromi 1997. Síðan þá hefur hann, ásamt hópi af fræðimönnum myndað og greint 250 atvinnumenn í knattspyrnu og 200 frambærilega yngri leikmenn. Aðal niðurstaða rannsókna Geir Jordet og félaga er að bestu leikmennirnir horfa á leikinn og meta aðstæður betur en aðrir leikmenn. Aðrir horfa meira á boltann.
En hvað er skönnun? Leikmaður skannar aðstæður þegar að höfuðið eða augun einblína ekki á boltann, markmiði með þessu er að undirbúa aðgerðir með bolta.
„Fylgni er á milli tíðni skönnunar og hærra hlutfalls heppnaðra sendinga og framsæknari sendinga,“ skrifar Geir Jordet á Twitter.
Niðurstöður Geir Jordet og félaga benda til þess að skönnun geti líklegast gagnast leikmönnum í öllum stöðum á knattspyruvellinum en að miðjumenn skanni mest.
Af öllum þeim leikmönnum sem fylgst var með frá árinu 1997 er það spánverjinn Xavi Hernández sem lék lengst af með Barcelona sem hefur hæstu tíðni skönnunar.
Tekið var viðtal við Xavi og honum greint frá þessum niðurstöðum og þá kemur í ljóst að skönnun hefur fylgt honum í hans daglega lífi.
,,Þetta er þráhyggja hjá mér. Þegar að ég gekk inn í þetta herbergi skoðaði ég hvernig stólunum og borðunum var raðað upp. Ég vil alltaf sitja þar sem að ég get séð allt herbergið. Þetta eru viðbrögð há mér, ég geri þetta alltaf vegna þess að ég vil hafa stjórnina. Ég er ekki mikið fyrir óvænta hluti og vil alltaf vita hvað gerist næst,“ sagði Xvi í viðtali sem birtist á sofoot.com.
,,En það er ekki nóg fyrir leikmann að skanna bara,“ skrifar Geir Jordet. Leikmaðurinn verður að geta unnið úr upplýsingunum sem hann aflar með skönnuninni og láta þær skila sér í aðgerðum. Geir vill að byrjað verði að kenna skönnun snemma hjá ungu knattspyrnufólki.
Þráð Geirs Jordet í heild sinni má lesa og skoða hér fyrir neðan.
The best football players have great awareness of their surroundings, even before receiving the ball. I started studying SCANNING in 1997. Since then, we have filmed & analyzed more than 250 professional players and 200 elite youth players. What have we learned? Thread 1/15. pic.twitter.com/sO3AugCmP9
— Geir Jordet (@GeirJordet) October 14, 2021
