Andri Lucas Guðjohnsen, hefur komið eins og stormsveipur inn á sjónarsviðið með íslenska karlalandsliðinu. Andri Lucas á að baki 39 mínútu með liðinu og hefur á þeim mínútum skorað tvö mörk.
Hjörvar Hafliðason, umsjónarmaður hlaðvarpsþáttarins Dr. Football vekur athygli á skemmtilegu augnabliki sem átti sér stað eftir landsleik Íslands og Liechtenstein í undankeppni HM í gær.
Á myndskeiðinu má sjá Andra Lucas blikka leikmann Liechtenstein, það sem Hjörvar vill kalla „kempu blikk“.
„Það hefur enginn krakki fengið jafn mörg kempu blikk frá fótboltamönnum á ævinni eins og Haflliðason. Að Andri sé búinn að mastera svona kempu blikk 19 ára segir manni að það sé verið að gera eitthvað rétt hjá Barca og Real. Menn fullkomna flestir ekki svona blikk fyrr en um þrítugt,“ skrifar Hjörvar í færslu á Twitter.
Það hefur enginn krakki fengið jafn mörg kempu blikk frá fótboltamönnum á ævinni einsog Hafliðason.Að Andri sé búinn að mastera svona kempu blikk 19 ára segir manni að það sé verið að gera eitthvað rétt hjá Barca og Real. Menn fullkomna flestir ekki svona blikk fyrr en um þrítugt https://t.co/JvsqpLQCZW pic.twitter.com/i0UKlssT8C
— Hjörvar Hafliðason (@hjorvarhaflida) October 12, 2021
