Ísak Bergmann Jóhannesson sendi fingurkossa upp í stúku eftir að hann skoraði sitt fyrsta mark fyrir A-landslið Íslands gegn Armenum í gær.
Ísak varð með marki sínu sá yngsti til að skora fyrir íslenska landsliðið. Fyrir átti frændi Ísaks, Bjarni Guðjónsson metið.
,,Svo gaf hann fingurkossa upp í stúku til kærustunnar, voru að fagna hálfs árs sambandsafmæli. Mjög dúllulegt,“ sagði Elvar Geir Magnússon í útvarpsþættinum Fótbolti.net á X-inu í dag.
,,Hálft ár, það er bara heil eilífð á þessum aldri,“ sagði Tómas Þór Þórðarson þá léttur.
Ísak nældi sér í gult spjald í leiknum í gær og verður ekki með gegn Lichtenstein á mánudag vegna leikbanns.
Ísland er aðeins með 5 stig eftir sjö leik í undanriðli sínum. Liðið er í næstneðsta sæti.
