Andri Lucas Guðjohnsen og Andri Fannar Baldursson eru tæpir vegna meiðsla fyrir leik Íslands og Armeníu í undankeppni HM á föstudag.

Andri Fannar hefur glímt við meiðsli í nára en Andri Lucas fékk högg á hné í leik með varaliði Real Madrid um helgina. Andri Lucas var á skotskónum í þeim leik

„Andri Fannar hefur verið að glíma við meiðsli í nára, hann er í skoðun hja sjúkraþjálfurum núna. Það mun koma í ljós hversu mikið það er,“ sagði Eiður Smári Guðjohnsen aðstoðarþjálfari liðsins..

Andri Lucas sleit krossband á síðasta ári og fékk högg þar um helgina. „Andri Lucas spilaði um helgina og fékk smá högg rétt fyrir ofan hné. Við munum setja það í hendurnar á læknateymi og sjúkraþjálfurum liðsins hvert framhaldið verður. Það verður að koma í ljós hvort hann verði leikfær. Þetta gæti tekið nokkra daga og hann gæti líka misst af báðum leikjunum. Það fer algjörlega eftir hvernig hann mun bregðast við meðhöndlun sjúkraþjálfara,“