Liverpool tapaði á dögunum sínum fyrsta leik í ensku úrvalsdeildinni á heimavelli síðan árið 2017. Liðið hafði þá leikið 68 leiki á heimavelli sínum, Anfield, án þess að tapa leik.
Þessi taplausa hrina Liverpool er hins vegar ekki sú lengsta á heimavelli í ensku úrvalsdeildinni.
Metið er í höndum Chelsea sem frá árinu 2004 til ársins 2008 spilaði 86 heimaleiki án þess að tapa. Eiður Smári Guðjohnsen var leikmaður liðsins frá árunum 2000-2006 og á því þátt í taplausu hrinunni.
Chelsea tapaði á heimavelli gegn Arsenal í febrúar árið 2004. Næsta tap liðsins á heimavelli kom í október árið 2008 þegar liðið tapaði 1-0 gegn Liverpool. Það var spánverjinn Xabi Alonso sem skoraði mark Liverpool í leiknum.
Fimm lengstu taplausu heimavallarhrinur í ensku úrvalsdeildinni má sjá hér fyrir neðan:
Enski boltinn á 433 er í boði 
