Burnley vann í kvöld magnaðan 1-0 sigur á útivelli gegn Englandsmeisturum Liverpool. Það sem gerir sigurinn enn sérstakari er sú staðreynd að þetta var fyrsta tap Liverpool á Anfield í ensku úrvalsdeildinni í 1.369 daga.

Síðasta tap Liverpool á heimavelli í ensku úrvalsdeildinni fyrir leikinn í kvöld kom á móti Crystal Palace í apríl árið 2017.

Síðan þá hafði Liverpool leikið 69 leiki á heimavelli í deildinni. Unnið 55 leiki og gert 13 jafntefli, hreint út sagt ótrúleg taplaus hrina leikja sem er nú komin á enda.

Chelsea á metið yfir flesta heimaleiki í ensku úrvalsdeildinni í röð án taps. Liðið náði að spila 86 heimaleiki í deildinni án þess að tapa.

1 – This was Liverpool’s first defeat in 69 Premier League games at Anfield (W55 D13) since losing 1-2 to Crystal Palace in April 2017. It was the second-longest unbeaten home run in English top-flight history, after Chelsea’s 86 games ending in October 2008. Smash. pic.twitter.com/aym7hcTcpF

— OptaJoe (@OptaJoe) January 21, 2021