Danny Drinkwater, fyrrverandi Englandsmeistari með Leicester City er genginn til liðs við tyrkneska liðið Kasimpasa á láni frá Chelsea.

Fljótlega eftir að hafa gengið frá vistaskiptum til Tyrklands, ákvað Drinkwater að efna til liðarins spurt og svarað, á samfélagsmiðlinum Instagram.

Einn fylgjandi leikmannsins sá leik á borði og spurði hann „hvar í ósköpunum fór ferillinn úrskeiðis?“

Drinkwater hefur án efa ekki verið ánægður með spurningu fylgjandans en svaraði með því að birta mynd af sér kyssa bikarinn sem Leicester lyfti eftir að hafa unnið ensku úrvalsdeildina á sínum tíma og skrifaði eftirfarandi spurningu, „fór úrskeiðis?“

Eftir góðan tíma hjá Leicester þar sem að Drinkwater spilaði 218 leiki, skoraði 15 mörk og gaf 23 stoðsendingar, hafa hlutirnir ekki alveg gengið upp hjá leikmanninum.

Hann hefur aðeins spilað 23 leiki fyrir Chelsea og hefur verið sendur á láni frá liðinu oftar en einu sinni og ekki tekist að heilla þar.