Augsburg tók á móti Bayern Munchen í þýsku úrvalsdeildinni í kvöld. Leikurinn endaði með 0-1 sigri Bayern Munchen. Alfreð Finnbogason, var á meðal varamanna Augsburg en kom inn á þegar 72 mínútur voru liðnar af leiknum.
Robert Lewandowski, kom Bayern Munchen yfir á 13. mínútu með marki úr vítaspyrnu.
Þannig stóðu leikar allt þar til á 76. mínútu þegar að Augsburg fékk vítaspyrnu. Alfreð tók spyrnuna en brást bogalistin með því að skjóta í stöngina.
Fleiri mörk voru ekki skoruð í leiknum, Bayern vann því leikinn 0-1 og er í 1. sæti deildarinnar með 39 stig. Augsburg situr í 12. sæti með 19 stig.