Enska blaðið Telegraph segir frá því að Pep Guardiola muni fá 200 milljónir punda í leikmannakaup næsta sumar hjá Manchester City.

Guardiola mun samkvæmt fréttum helst horfa til þess að fá inn framherja og miðjumann, Guardiola horfir í það að fylla skörð Kun Aguero og Fernandinho.

Telegraph segir að Guardiola hafi áhuga á að kaupa Romelu Lukaku framherja Inter. Lukaku yfirgaf England fyrir 18 mánuðum þegar Ole Gunnar Solskjær vildi losna við hann frá Manchester United.

Erling Haaland hefur einnig verið orðaður við City en ef marka má fréttir frá Englandi í dag þá er Chelsea líklegasti áfangastaður Haaland.

Hægt verður að kaupa Haaland á 66 milljónir punda sumarið 2022 en Chelsea ætlar að reyna að kaupa hann næsta sumar, sú upphæð gæti orðið talsvert hærri en klásúlan sem verður virk 2022.