Tímabili Mesut Özil hjá Arsenal virðist vera að taka enda. Leikmaðurinn hefur náð samkomulagi við forráðamenn félagsins um riftun á samningi sínum sem mun taka gildi strax. Þetta herma heimildir blaðamannsins David Ornstein.
Búist er við því að Özil haldi til Tyrklands um helgina þar sem hann mun ganga frá samningum við tyrkneska liðið Fenerbache.
Özil hefur ekkert leikið með Arsenal á tímabilinu og hefur verið utan hóps í öllum helstu keppnum sem félagið tekur þátt í. Hann er ekki í áætlunum Mikel Arteta, knattspyrnustjóra félagsins.
Özil gekk til liðs við Arsenal þann 2. september árið 2013 frá spænska liðinu Real Madrid. Kaupverðið á þeim tíma var um það bil 50 milljónir evra.
Hjá Arsenal hefur hann spilað 254 leiki, skorað 44 mörk og gefið 77 stoðsendingar. Þá varð hann enskur bikarmeistari með liðinu í fjórgang.
EXCLUSIVE: Arsenal & Mesut Ozil have an agreement in principle to terminate contract with immediate effect + end his 7.5yr #AFC career. If all goes to plan Fenerbahce expect 32yo to travel this weekend & complete move to #FENER as free agent @TheAthleticUK https://t.co/b9JCDK3miJ
— David Ornstein (@David_Ornstein) January 16, 2021