Al-Arabi gerði í gær 1-1 jafntefli við Al Gharafa í katörsku úrvalsdeildinni. Það sauð á Heimi Hallgrímssyni, knattspyrnustjóra Al-Arabi eftir leik en jöfnunarmark Al Gharafa kom úr vítaspyrnu undir lok leiks. Heimir var ekki sáttur með ákvörðun dómarans.
Al Gharafa fékk vítaspyrnu í uppbótartíma venjulegs leiktíma. Dómarinn taldi varnarmann Al Arabi hafa tæklað sóknarmann Al Gharafa en ekki náð til boltans, dómarinn skoðaði atvikið í VAR og dæmdi vítaspyrnu.
Eftir leik sauð á Heimi sem fór strax í heitar umræður við Jonathan Kodija, leikmann Al-Gharafa. Kodija sem áður lék með Aston Villa lét sig falla með tilþrifum í teignum, eitthvað sem Eyjamaðurinn átti erfitt með að sætta sig við.
🎥 The VAR review and goal that broke Al Arabi’s heartspic.twitter.com/H1yeaBwnyB
— Qatar Football Live (@QFootLive) January 13, 2021
Þeir rifust í skamma stund áður en gengið var á milli þeirra. Dómari leiksins gerði síðan tilraun til þess að þakka Heimi fyrir leikinn en Heimir hundsaði þá tilraun dómarans og labbaði framhjá honum.
Heimir og félagar hafa verið á góðu skriði í síðustu leikjum en liðið hefur náð í 13 stig af 15 mögulegum í síðustu fimm leikjum. Aron Einar Gunnarsson lék líkt og venjulega allan leikinn með Al-Arabi í gær.
A heated exchange between Heimir Hallgrimsson and Jonathan Kodjia at the end..
Heimir then walks towards the referee, and then past him, snubbing his outstretched hand, and applauding the fans instead 😶 pic.twitter.com/Nk2VYutZ1C
— Qatar Football Live (@QFootLive) January 13, 2021
