Karl-Heinz Rummenigge, framkvæmdastjóri Bayern Munchen sagði í samtali við FCB.tv að Evrópska knattspyrnusambandið (UEFA) væri að skoða útfærslu á Meistaradeild Evrópu sem gerði það að verkum að undanúrslit og úrslitaleikur keppninnar færu fram í sömu viku og í sömu borg.
Svipað fyrirkomulag var á keppninni í fyrra sökum Covid-19 faraldursins þar sem lokahluti Meistaradeildar Evrópu fór fram í portúgölsku borginni Lisbon.
„Ofurskálin (Super Bowl) í Bandaríkjunum er gott dæmi um svipaða útfærslu, það hljómar vel í mín eyru,“ sagði Karl-Heinz Rummenigge, framkvæmdastjóri Bayern Munchen.
Rummenigge segir að uppfæra þurfi keppnisfyrirkomulag í Meistaradeild Evrópu. Riðlakeppnin sé „leiðinleg“ en einnig er verið að skoða breytt fyrirkomulag riðlakeppninnar innan UEFA