„Hvenær ætla þeir að læra?,“ er fyrirsögnin hjá Daily Mail um ítrekuð faðmlög knattspyrnumanna í Englandi, þrátt fyrir að búið að sé að biðja þá að hætta slíku.

Útgöngubann ríkir í Bretlandi vegna kórónuveirunnar en ástamdið þar er slæmt, atvinnumenn í íþróttum fá hins vegar að halda áfram starfi sínu. Á dögunum setti enska úrvalsdeildin fram nýjar reglur og þar sem kom fram að leikmenn ættu ekki að fallast í faðma þegar mörkum væri fagnað.

Efiðlega gengur fyrir leikmenn að skilja þessa einföldu reglu og mátti ítrekað sjá leikmenn faðmast um helgina í enska bikarnum og í ensku úrvalsdeildinni í gær.

Enska úrvalsdeildin refsar leikmönnum ekki fyrir að brjóta þessa reglu en hefur lagt til að félögin ítreki hana við leikmenn og að þeim verði refsað af þeim, fari þeir ekki eftir henni.

Að hópast saman og fagna marki er hluti af leiknum en nú þegar mikill fjöldi leikmanna er að greinast með COVID-19, hefur fólk áhyggjur af þessu.