Lærisveinar Jurgen Klopp fá níu daga frí á milli leikja nú í janúar, óvenjulega löng pása þegar flest lið eru að spila ansi þétt. Liðið lék gegn Aston Villa í bikarnum á föstudag og mætir svo Manchester United í toppslag, næsta sunnudag.

Á sama tíma lék Manchester United gegn Watford á laugardag og mætir svo Burnley á morgun, Klopp fagnar þessu stutta fríi og telur að það komi að góðum nótum.

Til að hafa alla leikmenn klára í slaginn ætlar Klopp að hafa lítið undirbúningstímabil. „Núna verður stutt undirbúningstímabil fyrir restina af tímabilinu,“ sagði Klopp.

Manchester United kemst á topp deildarinnar með jafntefli eða sigri gegn Burnley á morgun en United og Liverpool hafa bæði 33 stig í dag.

„Við munum mikið spila 11 á móti 11, það er eitthvað sem mörgum af okkar leikmönnum vantar.“

„Við munum nota þennan tíma mjög vel.“